ဓမ္မကာယကျောင်းတိုက်အတွင်း လုပ်ငန်းစဥ်များ
ဝါဆိုနေ့တွင် ဗုဒ္ဓဘာသာဝင်တို့သည် ဆွမ်းလောင်းလှူခြင်း၊ တရားနာခြင်း၊ တရားအားထုတ်ခြင်း စသော ကုသိုလ်ကောင်းမှုများကို ပြုလုပ်ကြသည်။ လောကီလူသားတို့သည် ဘုန်းတော်ကြီးကျောင်းများသို့ သွားကာ ဆွမ်း, သင်္ကန်း, ဆေး, ပန်း, နံ့သာတိုင်, ဖယောင်းတိုင် စသော လိုအပ်ရာပစ္စည်းများကို လှူဒါန်းကြသည်။ ဤသည်မှာ ကြီးမားသော ကုသိုလ်ပြုနည်းဖြစ်သည်။
ဝါဆိုလဆန်း ၁ ရက်နေ့သို့ ရောက်ပြီဆိုလျှင် ဗုဒ္ဓဘာသာဝင်တို့သည် မကောင်းမှုများကို ရှောင်ကြဥ်မည်ဟု အဓိဌာန်ဝင်ကြသည်။ လူပုဂ္ဂိုလ်များသည် ရဟန်းတော်များကို စံအဖြစ်ထားကာ ကောင်းစွာ ကျင့်ကြံနေထိုင်ကြသည်။ မကောင်းသော အကျင့်များကို ပြုပြင်နေထိုင်ပါမည်ဟုလည်း အဓိဌာန်ပြုကြသည်။ ဥပမာ အရက်သောက်တတ်သူသည် ဝါတွင်းကာလ၌ အရက်ကို ရှောင်ကြဥ်ပါမည်ဟု အဓိဌာန်ပြုကြသည်။ ဆေးလိပ်သောက်သူသည် ဆေးလိပ်ဖြတ်မည်ဟု အဓိဌာန်ပြုကြသည်။
ဝါတွင်းကာလ၌ ဗုဒ္ဓဘာသာဝင်တို့သည် မကောင်းမှုများကို ရှောင်ကြဥ်၍ ကောင်းမှုများကို တိုး၍လုပ်ဆောင်ကြမည်ဟု အဓိဌာန်ဝင်ကြသည်။ သာဓကအားဖြင့် ယခင်က စနေ, တနင်္ဂနွေနေ့မျိုး၊ အဖိတ်, ဥပုသ်နေ့မျိုးတို့တွင်သာ အလှူဒါနများကို ပြုလုပ်လေ့ရှိသူသည် ဝါဝင်လာလျှင် နံနက်ခင်းတိုင်း ရဟန်းသံဃာတော်များကို ဆွမ်းလောင်းမည်ဟု အဓိဌာန်ပြု၍ လောင်းလှူလာကြသည်။
အရေးကြီးဆုံးမှာ လူပုဂ္ဂိုလ်တို့သည် စိတ်စင်ကြယ်သန့်ရှင်းအောင် ဝါတွင်းသုံးလ ကာလပတ်လုံး တရားအားထုတ်ကြမည်ဆိုလျှင် စိတ်သည် ပိုမိုကြည်လင်လာ၍ ပျော်ရွှင်ခြင်း-သုခချမ်းသာအစစ်၊ ငြိမ်းချမ်းခြင်းအစစ်ကို ရရှိကြမည်မှာ မလွဲဧကန်ဖြစ်သည်။ ဘဝအောင်မြင်မှု၊ တိုးတက်မှု၊ တောက်ပမှုများဆီသို့လည်း ခေါ်ဆောင်သွားပါလိမ့်မည်။